АСНОЎНЫЯ НАКІРУНКІ РАБОТЫ БІБЛІЯТЭКІ
- арганізацыя работы па камплектаванні, уліку, выдачы дакументаў і вучэбных выданняў бібліятэчнага фонду;
- арганізацыя і вядзенне даведачна-бібліяграфічнага апарату інфармацыйных рэсурсаў бібліятэкі;
- ажыццяўленне бібліятэчнага, інфармацыйнага і даведачна-бібліяграфічнага абслугоўвання навучэнцаў, педагагічных работнікаў;
- аказанне дапамогі ў стварэнні адукацыйных праектаў;
- кансультаванне законных прадстаўнікоў непаўналетніх па пытаннях арганізацыі сямейнага чытання, а таксама іх інфармаванне аб новых паступленнях у бібліятэку вучэбных выданняў, кніг серыі «Школьная бібліятэка» і іншых выданняў;
- арганізацыя мерапрыемстваў па выхаванні ў навучэнцаў цікавасці да кнігі і чытання, па фарміраванні інфармацыйнай культуры;
- забеспячэнне захаванасці дакументаў у адпаведнасці з устаноўленымі правіламі.
Асноўныя функцыі школьнай бібліятэкі
- адукацыйна-выхаваўчая
- інфармацыйная
- інфармацыйна-метадычная
ДА ПАСЛУГ КАРЫСТАЛЬНІКАЎ
- абанемент
- чытальная зала
- выставачныя паліцы
- кніжныя выставы
АКТЫЎНАЯ СУМЕСНАЯ ДЗЕЙНАСЦЬ
- часы зносін
- віктарыны
- вусныя часопісы
- конкурсныя праграмы
- завочныя падарожжы
- літаратурна-музычныя гадзіны
- святы
Правілы карыстання бібліятэкай
Дзяржаўная ўстанова адукацыі
"Зубкаўская сярэдняя школа Клецкага раёна"
- АГУЛЬНЫЯ ПАЛАЖЭННІ
1.1. Правілы карыстання школьнай бібліятэкай (далей – бібліятэка) рэгламентуюць агульны парадак арганізацыі абслугоўвання карыстальнікаў бібліятэкі, правы і абавязкі бібліятэкі і карыстальнікаў.
- ПРАВА КАРЫСТАЛЬНІКАЎ
2.1. Права карыстання бібліятэкай маюць навучэнцы, педагагічныя работнікі і іншыя супрацоўнікі школы, законныя прадстаўнікі навучэнцаў школы.
2.2. Карыстальнікі маюць права:
2.2.1. На бібліятэчнае, інфармацыйнае і даведачна-бібліяграфічнае абслугоўванне згодна з іх патрэбамі і інтарэсамі.
2.2.2. Бясплатна атрымліваць поўную інфармацыю аб складзе і змесце бібліятэчных фондаў, кансультацыйную дапамогу ў пошуку крыніц інфармацыі. 2.2.3. Бясплатна атрымліваць для часовага карыстання дакументы бібліятэчнага фонду.
2.2.4. Атрымліваць доступ да інфармацыйных рэсурсаў бібліятэкі.
2.2.5. Прымаць удзел у культурных мерапрыемствах, якія праводзяцца бібліятэкай.
2.2.6. Карыстацца ў чытальнай зале тэхнічнымі сродкамі.
2.2.7. Атрымліваць у часовае карыстанне любы дакумент з фонду бібліятэкі.
- ПАРАДАК КАРЫСТАННЯ БІБЛІЯТЭКАЙ
3.1. Навучэнцы школы запісваюцца ў бібліятэку ў індывідуальным парадку ў адпаведнасці са спісамі класаў.
3.2. На кожнага карыстальніка запаўняецца чытацкі фармуляр устаноўленага ўзору. Фармуляр чытача - дакумент, які падцвярджае факт і дату выдачы карыстальніку выданняў з фонду бібліятэкі і прыёму іх бібліятэчным работнікам. 3.3. Пры запісе ў бібліятэку карыстальнік павінен быць азнаёмлены з правіламі карыстання бібліятэкай.
3.4. Дамоў дакументы выдаюцца карыстальнікам тэрмінам на 15 дзён. Колькасць экзэмпляраў, выдадзеных адначасова (не лічачы падручнікаў), не павінна перавышаць пяці.
3.5. Навучальная, метадычная літаратура выдаецца карыстальнікам на тэрмін навучання ў адпаведнасці з праграмай.
- АДКАЗНАСЦЬ І АБАВЯЗКІ
4.1. Выконваць правілы карыстання бібліятэкай.
4.2. Беражліва адносіцца да бібліятэчнага фонду.
4.3. Пры выбыцці са школы абавязкова вярнуць усе дакументы з фонду ў бібліятэку. 4.4. Карыстальнік абавязаны:
4.4.1. Вяртаць узятыя ім дакументы з фонду ва ўстаноўлены бібліятэкай тэрмін.
4.4.2. Не выносіць з памяшкання бібліятэкі дакументы без запісу ў прынятых бібліятэкай формах уліку.
4.4.3. Беражліва адносіцца да бібліятэчнага фонду (не рабіць у кнігах паметак, падкрэсленняў, не вырываць і не загінаць старонкі і інш.).